තොටුපොළ
ජීවිත ඔරුව හබල් ගහමින් ජීවිත ගඟේ පාවෙන ගමන් ගිමන් නිවාගනු වස් තොටුපලට ගොඩ වැදුන තොටියෙක්.
Wednesday, November 5, 2014
තාලය නොදත් ගීතය
තාලය නොදනිමි මම
තවමත්
ජීවිතය නමැති
ගීතාවලියේ
තාලය සොයාගනු වස්
සොයා ගතිමි දෙව්දුවක්
සුරඟනක් බඳු වූ.........
Tuesday, November 4, 2014
අකීකරු කෙස් රොද
ඔබේ දිගු කෙස් වැටිය
පිටුපසට කර බැන්ද විට
මුහුණට නැගෙන සිරියාව
අලංකාරය
කෙසේ විස්තර කරම්ද
සුලං රැල්ලට හසුව
ඔබේ නළලතට වැටෙන
අකීකරු කෙස් රොදට
මම කෙතරම් ආදරේද
ඔය කෙස් රොද
මගේම කර ගනිමි
කෙදින හෝ
එදිනට
ඔය අකීකරු කෙස් රොද
මගේමය
මගේමය
Sunday, November 2, 2014
හුදෙකලාව
හුදෙකලාය
පාලුය
තොටියාගේ සිතට
කරගැට විත් ඇත
දෑත් වල
හබලෙහි රලු ස්පර්ශයට
දිය කඳ රලුය
ගතට වෙහෙසය
දකිනු රිසියෙහි
තොටුපලක්
වෙහෙස නිවා ගැන්මට
දිටිමි තොටුපලක්
එක් ඉර බස්නා
යාමයක
කිසිවෙකුත් නොසිටියෙමි
දුක බෙදා ගැන්මට
එනමුදු කුමක් කරම්ද
දුක දරා ගනු මිසක
තනිකමය උරුම
තොටියාට
තොටියා
තොටියා.......................
දිය කඳ සමග පොර බදන
තොටියා......................
................................................................................................................................
දිය කඳ සමග පොර බදන
තොටියා......................
................................................................................................................................
රුදුරුයි දිය කඳ
හිතනවට වැඩිය
තෙහෙට්ටුයි ඇඟට
කිසිවෙකුට නොපෙනුනාට
දුටුවෙමි තොටුපලක්
නොසිතූ වෙලාවක
සිත්වුණි මදක්
නැවතී යන්න
නිවාගන්න ගතෙහි වෙහෙස
මදක්
ගොඩ වුණු නමුත්
තොටුපලට
හුදෙකලාය තොටුපල
නොදැනිනි වෙනසක් නමුදු
හුදෙකලාය තොටියාගේ
හදවතද
Subscribe to:
Posts (Atom)