තාලය නොදත් ගීතය

තාලය නොදනිමි මම
තවමත්
ජීවිතය නමැති
ගීතාවලියේ

තාලය සොයාගනු වස්
සොයා ගතිමි දෙව්දුවක්
සුරඟනක් බඳු වූ.........

අකීකරු කෙස් රොද

ඔබේ දිගු කෙස් වැටිය
පිටුපසට කර බැන්ද විට
මුහුණට නැගෙන සිරියාව
අලංකාරය
කෙසේ විස්තර කරම්ද

සුලං රැල්ලට හසුව
ඔබේ නළලතට වැටෙන
අකීකරු කෙස් රොදට
මම කෙතරම් ආදරේද

ඔය කෙස් රොද
මගේම කර ගනිමි
කෙදින හෝ

එදිනට
ඔය අකීකරු කෙස් රොද
මගේමය
මගේමය

හුදෙකලාව

හුදෙකලාය
පාලුය
තොටියාගේ සිතට

කරගැට විත් ඇත
දෑත් වල
හබලෙහි රලු ස්පර්ශයට

දිය කඳ රලුය
ගතට වෙහෙසය
දකිනු රිසියෙහි
තොටුපලක්
වෙහෙස නිවා ගැන්මට

දිටිමි තොටුපලක්
එක් ඉර බස්නා
යාමයක

කිසිවෙකුත් නොසිටියෙමි
දුක බෙදා ගැන්මට

එනමුදු කුමක් කරම්ද
දුක දරා ගනු මිසක

තනිකමය උරුම
තොටියාට

තොටියා

තොටියා.......................
දිය කඳ සමග පොර බදන
තොටියා......................

................................................................................................................................

රුදුරුයි දිය කඳ 

හිතනවට වැඩිය

තෙහෙට්ටුයි ඇඟට 

කිසිවෙකුට නොපෙනුනාට

දුටුවෙමි තොටුපලක්

නොසිතූ වෙලාවක

සිත්වුණි මදක් 

නැවතී යන්න

නිවාගන්න ගතෙහි වෙහෙස

මදක්

ගොඩ වුණු නමුත්

තොටුපලට

හුදෙකලාය තොටුපල

නොදැනිනි වෙනසක් නමුදු

හුදෙකලාය තොටියාගේ 

හදවතද